يقولون السيل ما تأخر ألا من كبره..... والسيل إذا جاء يجيك ويحوق أم الدنيااا
الزبدة، من زماان ما صارت لي جرية ولا مصيبة... قلت الحمد لله أكيد أن حياتي تبي تعتدل وبأصير ولد طبيعي زي النااس بدون مواد حافظة ولا بودرة (<<< واحد يشك ان ابوه ينتج حليب مغشوش ) وبكذا قررت أني أكمل دراستي عشان أصير عضو فعّال في المجتمع يسهم في دفع عجلة التنمية...... كنت موقف دراستي من كثر المصايب الله يجيركم....... في اليوم اللي اخذت فيه شهادة أولى ثاانوي دور ثااني طاح علي كفر طيارة كانت مارة فوقي ........ من قوة الخبطة دخلت في الأرض وطلعوني وثوبي أسود !! وريحتي ريحة محطة بنزين !! وطاشت الأرض نفط (<<< صرت سادّن فتحة البترول بالخبلاء لا خلاء ولا عدم ).......
تذيهنت وطالبت بحقي في ذا النفط اللي طاش من محل محطتي (<<< عشان كذا يسمون أماكن المشتقات البترولية محطة) و رحت يمهم وقلت أبي نصيبي ........ أنا اللي اخترعت بير النفط هذا ....... قالو طيب حط رقم بيتكم وبندق عليك ..........
وأحط رقم خويي....عشان رقمهم سهل ولا يصير لهم عذر يقولون نسيناه (<<< مسوي ملكع هالدلخ )........ وأقعد كل الوقت في بيتهم معسكر في الملحق ما غير جنب التلفون و متعلق في سلكه ( اللي ما يعرفني يقول ذا جاي مع التلفون فوق البيعة )....... حتى الصلاة أصليها في الملحق وأخلي التلفون يم جهة القبلة.... الربع تأخرو ما دقو
بديت أمل من الأنتظار..... وقلت لخويي جب تلفزيون يلهينا....... ويروح ويجيب تلفزيونهم، وتلفزيونهم الله يجيركم من بقايا الحرب الأهلية في الكونغو.... شاشته كنها كورة من قوة التحدب يعني لو تقعد وراه عاادي تقدر تتابع..... يوم دخله قلت له وراك فاك وجه الجمس وجايبه؟؟؟.... المهم بدينا نتاابع وما عندنا ألا الأولى والثاانية أرضية.... وأحسن الشي الدعاايات إذا جت ننبطح على بطونا ونبدى نلعب برجلينا من الوناسه وإذا خلصت نقول: يووووووووووه....... الوكااد أن هالتلفزيون فك أزمة (<<< هذا وهو ما فيه فيديو فك أزمة).....
رن الهااتف أخييراً وأفز، ومن قوي الفزه مروحة السقف صفقتني في وجهي ونشبتني في الجدار واقعد معلق ، و أصير أمد لساني على حواف خدودي بينها وبين الجدار بزعمي حركة عشان أفك التلصيقة بسعابيلي
. وأفكها وأمحط على الأرض ويغمى علي.... الشاهد ما قدرت أرد على المكالمة.... رد رفيقي على التلفون وهو ما عنده ألا: هاااه... هااااه... أييييه.... هاااه.. شكله ما فهم ...
لكنه في الأخير وجهه صاار أسود وغمض عيونه وأخيراً رد على اللي يكلمه وهو يهز راسه: أكيد فيه لبس في الموضوع (<<<< يمديكم على صديقي يعرف يتكلم زي حقين التلفزيون).... وش صارت الساالفة؟؟؟؟؟
جاء رفيقي يبي يعلمني و لقاني في وضع مشين ( تسنّي ذباب مصفوق بجريدة على الجدار ) مغمى علي ولساني طالع وأنا عاضه..... كب مويه على وجهي وقام الكلب يشوّت وجهي (<<< عااد رجله مقاسها 54)... وكل ما شاتني شوته راسي يخبط في الجدار وتزيد الإغماءه... ألين أنتبه الحمار للي يصير ويسحبني لوسط الملحق....
ويجيب مركى ويرقى فوقه وينزل ركبه على وجهي ألين صارت ضروسي في جهة وحدة في أثمي ( أنا أشوف اني اقوم من ذا الإغمائه أصرف لي قبل لا يذبحني ذا الثور !!!) قمت وقعدت اتفلّت على ذا السبهه هو ورجلة اللي كنّها جدار مقضوض !! يلعن أصلك وش قااعد تسوي كم مرة قلت لك خل عنك المزح الثقيل (<<< أحسبه يمزح، عشان تعرفون بس نوعية مزحنا).....
رد علي وهو يصفق بيديه على وجهه (<<< الغبي كل ما صفق نفسه يقول أح لكنه يستمر، غصب يقلد التمثليات المصرية اللي كنا نشوفها): ألحق ألحق، مطلعينا في السي أن أن وحنا مطلوبين وبوش نفسه جايب طارينا، يقولون أنه حنتز (<<<< يعني غاضب يالأتيكيت اللين ما تعرفون لغتي).....
وأروح لأقرب تلفزيون مشبوك بدش وآخذ الريموت وأرص الزر اللي يطلع السي أن أن وألقى وجه الخنزير بوش الله يكرمكم وهو يتكلم...... وفي زاوية الشاشة بالأحمر (BREAKING NEWS) وهذي معناتها أخبار جامدة بالحيل....
ويصير هالعلج ماسك صورنا أنا وخويي وهو يأشر عليها يقول:
[[[[[ هالزلايب مطلوبين... اللي يشوفهم يدق علينا في البيت الأبيض وإذا صار الخط مفصول يدق على البقالة اللي جنب البيت الأبيض ]]]]].........
والتفت على خويي وألقاه مفهي ما فهم ما غير فاتح أثمه والذبان يدخل ويطلع (<<<< الذبانة إذا طلعت تاخذ لفتين وتطيح على الأرض وهي ترافس)..... وأجرّه من علباه..... المسألة حياة أو موت....
دااااا دااااا وش الساالفة تركي دااااا؟؟... (<<<<كذا وهو يتكلم الله يرفع عنه)ياااخي ما شفت بوش وهو يتوعد فينا؟؟؟ نبي نهج!!!!.. أنا عاادي ممكن أفهم أني أصير مطلوب لكن أنت!!...
داااا طيب هو دااااااا يمزح ولا جاد دااااا وبعدين لـيــ..... طاااع (<<<< صوت طيحه)....
أبو صنقه هذا إذا قام يتكلم يسعبل... وهو قاعد يكلمني تحمس بزيادة و زاد الإفراز عنده لدرجة أنه زلق في سعابيله ومحط على وجهه وأغمي عليه.... أنا تركته الصراحة.... مالي دخل (<<< جحده) .... بيمسكونه وبيدرون أنه عاهه وبتدخل حقوق الحيوان عشانه وبيطلع منها لكن أنا لازم أتوزى......
قلت مالي إلا أزبن عند أبوي حبيب قلبي أبوي أكيد بيفزع لي ويفكني من ذا الوجه الودر (بوش)
وأرجع للبيت ... ومن يوم دخلت ألا وهذيك العصا اللي تمشي مليون تنشب في وجهي.... رحت لزاوية باب الكراج الكبير عشان أفكها (<<< زي ما تفك ببسي أبو نص في باب الكراج)...... صارت الضربة من أبوي..... المهم يجيني وخذ هواش:
يا الداشر يالسمرمدي خرّبت سمعتنا (<<<< من زينها عااد)وشنك مسوي لبنت بوش يوم أن أبوها يتوعدك؟؟؟؟ هاااااه وشنك مسوي؟؟؟؟.. ....
وشو؟؟؟ وش بنته؟؟؟؟
إخرس أيها الوغد تباً لك (<<<< ترجمة الأفلام وما تسوي)... قللي بسرعة هي حملت و لا لا؟؟؟؟ قللي بسرعة عشان يمديني أنادي الشيخ صالح يعقد لكم ........
لا يا بن الحلااال.... السالفة مهيب كذا.........
طبعاً ما كملت لأنه فصخ ثوبه وبدى يلعب كراتيه وخذ تصفيق.... حركة النمر المزكوم... حركة التنين الأزرق... حركة القط الجائع.... حركة المعصوب... لدرجة أنه يطمر في الهوا وهو رافع يديه ويتجمد زي الماتركس ثم يرفسني في وجهي......
أنا أرتعت ورى أبوي صار كذا...... ونسيت آخذ شي من البيت وأطلع من البيت وأنا أشاهق من الصياح..... وأركب الهايلكس وأمسك طريق الجنوب (<<< يقولون أنه أأمن )
وأنا في الطريق سالت الدمعة من عيني..... ليش أنا دايمن مضطهد كذا؟؟؟؟....
ليش هالمصايب ما تجي واحد ثااني غيري ؟؟؟؟ (<<< وجه يناظر في طخ طيخ ) أهم شي أنا مايجيني شي.... عاد هالهواجيس ما جت ألا مسيان والشمس غاطسه في أحضان الأفق كطفل في حجر أمه يعاني ويلات الجوع وامه موزيتن ديدها وصاكتن عليه بسنتيانة وقميص وعباية (<<<< أبي رتبة من الأدبية بعد هالوصف << قل تبي توقيف يا الداشر )
على هالحزن قمت أهيجن....
[[[[
يا شينهاا لا منهاا تعسّرت وضاااااقت *** وعليك المصايب والهموم تحااااااااااذفت
وحزّنت وبكبكت وخياشيمك نااااشقت *** تسأل قهررر:ليه الدنيا معي مااااا صفت؟
]]]]
عااد صوتي الخالع تعرفونه .... حتى الهايلكس من شين الصوت قام علّق على البوري يبيني أسكت.... .. ويوم وصلت وادي الدواسر وألا الجوع ذابحني (ترى فيه اشاعة قوية تقول ان أهل وادي الدواسر ينولدون بشنباتهم وفي يديهم سبحة وهم يقولون:خلوها<<< ترى خوالي دواسر لحد يتفلسف علي) وأوقف عند محطة وأدخل بقالتهاا وآخذ من المحطة خبز فرنسي...... والله يا أنا أقدر الخبز الفرنسي مع حليب السعودية ولا آكله ألا إذا صرت ماسك خط......
وأطلع من المحطة وأدخل الشعيب وأبدأ أدوّر أقرب مغارة.... أنا ناوي أعيش عيشة بدائية عشان أضبط دور الهارب من العدالة (<<< اقتنع أنه مجرم)..... وأنا أمشي قزّيت خيمة في وسط البر وأنصاها علطول..... يوم وصلت لها لقيت ملبق عندها هايلكس88 مركب جنوط قراندي (<<< يلعن أم المزاج والخساارة على الفاضي).... قلت خلني اقرب زود وأدخل الخيمة وأشوف من فيهاا يمكن ألقى أحد يفزع معي .......
نزلت من سيارتي وأوصل للخيمة وألقى محطوط على بابها هذيك الورقة الحمرا حقت الفناادق (يرجى عدم الإزعاج) والقى جنب الباب زر صغير..... ضغطت الزر ويصير جرس
تررررررررررررررررررررررررررررن.....
يوووووووووووووووووووووووووووووه يا حمار أنت واياه ما قلت نو ديستربنس ........
لا.... أنا مهوب حق توصيل الطلبات ( بزعمي ترجمت سؤاله الحين ورديت )
ويفتح باب الخيمة ويطلع لي واحد الله يجيركم بس........ عير ن في هذا، الظاهر حامله به حرمتين مهيب حرمه وحده (<<<< واضح أنه فاهم مصطلح الحمل خارج الرحم غلط )
وجهه من كبره لو تشيل ملامحه تحسبه باب مدرسة..... ولا اليدين قصتها قصة الظفر الواحد كنه صامولة جنط قلابي..... أصابعه كنهاا مواصير المجاري (شكله يبطن الخاتم بكفر كامري).... ما أقدر أشوف ملامحه كلهاا من نظره وحده لازم أحرك راسي.... تصدقون أن رصة ضروسه من كبرهاا كنهاا الصبات اللي قدام وزارة الداخلية (عرفت بعدين أنه ينظف ما بين ضروسه بسلك دفايه )
يوم مد يده يسلم علي مديت يديني الـثـنـتـيـن وحطيتها في يده وحطيت راسي بعد من كبرها.... هو فهم غلط وضمني وقال: أبشر بسعدك يالرهيف........
أنا وخرت علطول...... وقلت لا يصير فهم غلط..... قلت: داخل على الله ثم عليك!!......
قال: سم بس وش تبي......... قلت: أبي فزعتك في سالفة...... قال: أكيد يا دلخ تبي فزعتي ياااخي ليش انتم كذا دايمن ما تدخلون دغري!!!! طيب أنت هالحين أدخل في الخيمة عن الشمس ويصير خير ( لا تدققون في سالفة الشمس تراي تو كاتبن انها حول ما تغيب ) .......
وأدخل وهو اللي يدخل وراي ويقعد يربط باب الخيمة وارتسمت على وجهه ابتسامة شريرة ......
جلسنا حول الضو (عادي ضو وسط الخيمة والشمس براء حارة فيها شي؟!.... موضوعي وأنا حر لو أبي كتبت ويشغّل مكيف ال جي على البارد ويشب الضو )...... ما علينا من الهفوات الأدبية في هالموضوع وجلَّ من لا يسهو.... أهم شي تدرون ان ذا الرجال مصيبة لدرجة أنه كان يدخل يده في الضو ويقحش جمر ويحطه في أثمه ويبدا يعلكه ألين يصير رماد ثمن يتفله (تكرمون... ومن قال).....
أنت هالحين وش قصة أهلك؟؟ (<<<< من حقه يسأل ومطلوب أجاوب )
الله يسلمك ويعز مقامك ويجعلها سفرة دايمة (<<< بأقول أي شي ظنكم بأتطاق معه)
قلت له سالفتي مع بوش وكيف أني هالحين إنسان هارب وهائم على وجهه...... وقلت له حتى أن أبوي جحدني ولا فزع معي وراح تفكيره بعيد ........ وأنا بس اللي أجيب طاري أبوي وهو اللي يبكي ويغطي وجه الكبير بيديه اللي لو أجّرها مظلات في مواقف كان جابت له خير......
عسى ماشر ياابو؟؟ عسى ما قلت شي ن ضايقك (<<< مهوب وقته أني أنرفزه).......
قال: ذكرتني بأبوي الله يرحمه...... وسألته: وش قصة أبوك وشلون ماات؟؟
قال:غص بشنبه وهو نايم المسكين.... كان مزكوم ونام وهو فاتح اثمه... في نصف الليل شنبه أنحشر وقام بيروح للحمام ومثلك خابر الغرفة ظلام تعكرف في برطم أبوي وطاح في حلقه... طبعاً حلقه أنسد ألين تجمع البلغم وصار غرب وتسدد.... يوم وديناه للمغسلة الشيخ جاب معلاق ملابس وقام يخفس في هاللي متجمع ثم حط يده في كيسه وقام يطلع كور شعر تقل بيّاره منسده..... أنا أخذتها درس صرت أروح للحمام كل يوم قبل لا أنام.....
>>>> دقيقة صمت على روح شهيد الشنب المحشور <<<<<
أنتهت الدقيقة (ما بغت تخلص)....
دأي يا مزيكا أقين.......
تركي راح أعوضك عن حناان الأب اللي فقدته وبأفزع معك وبنروح نقابل هالخنزير ونتفااهم معه ...يالله مشينا على الهالوكابتر بتاعتي.....
ما شاء الله عند طيارة يالكلب (<<< طيحت الميانة ما بقي ألا أقوم أنغز جنوبه واتطارح معه)... جتني هدية يوم كنت أدرس عشاني أخذت الأول على الفصل (<<< الصراحة صدقته)......
راح يحفر الأرض ويطلع طيارته كان دافنهاا يقول عليهاا تعميم أو حاجة زي كذا...
فتحت باب الطيارة بأركب وهو اللي يقولي أصبر لا تركب ويجي ينظف المرتبة ويشيل القضوم المتناثرة وغرش العرق وقطوف زقاير متجمعة (<<< آآآآآبوك زمن حدني أركب مع دشير )..... خلص تنظيف وأركب واقلعناا بحمد الله وحفظه....
الطيارة هذي فلّه أزين من الهايلكس بمراحل (<<< كل تبن ولعد تقارن).... وحنا نطير ضايقتني الشمس وأفتح الدريشه عشان أحط شمااغي بأصك الدريشه عليه،، التظليلة ما سوت شي الصراحة..... وهو اللي يقز شي بالمراية ويقولي: أصبر تركي لا تحط شماغك ..... وتطلع شراره في عينه زي الأشرار في أفلام الكرتون.....
ويعكف الدركسون (<<< دركسون زيت) ألين سمعت صوت تفحيط.... ويصير هالصايع ناصي طيارة بوينج 757 ....
جا جنبها وبدأ يهندم نفسه وصك قلابيه أبو أربع أزرار وقال لي: بسرعة أفتح الدررررررج وطلع قطعة الكرتوووووون اللي فيه!!!!...... وأفتح الدرج وألقى قطعة كرتون مكتوب عليهاا بطامس أبو ريشة رقم تلفون مكون من 9 أرقام!!!! (<<< صار قليل الأدب حاط رقم دولي ومن زين الطبايع حاط علامة + قبل 966)..... قلت: منهو رقمه هذا؟؟؟؟........ قال: هذا رقم المحطة صاحي أحط رقمي!! لو سوو تتبع لرقمي بيعرفوني!! لا يكثر وطلع الكرتونه وخلهم يشوفونهاا.... تررررركي طالع هذي اللي على الدريشه يالبي قلبي قاعد تشرب عصير الري فراولة بقي على صلاحيته 6 شهور وأربع أياام (<<<< يلعن أووووم القز يا ناااس ).....
أنا بريءءءءءءءء جداً فتحت الدريشة وطلعت الكرتونه.... مدري وش صار بالضبط بس الظاهر أني نعست الشاهد أن الكرتونه طارت مع الهواء....
فاصل نصيحة:
[[ لا عمركم تزعلون واحد عير ]]
هو مع العصبية ترك الطاره وحط يديه على وجهه وقام يتنافض ويفغص وجهه وبدى يطلع من جسمه حراره زي دفاية الزيت..... أنا الصراحة خفت وبغيت أفتح الباب وأطب......
وخر يديه وألتفت يمّي..... وجهه أحمرررررررررر وعيونه حمررررررراء وصرخ صرخة غريبه !!
يلعن أصلك يا ورع
ثم فجأة صارت عيونه بيض وفتح أثمه (معقوله تجيه لحظة تجلي في هالوقت!!!) ثم بديت أسمع أصوات غريبة:
[[ قولب..... بلوق...... قوب]] واشوف بالتدريج بطنه يهتز...... ثم صدره يقرقع...... ثم أشوف حلقه فيه زي الورمه تمشي ألين طلعت فوق وأنتفخت خدوده فتح عيونه ونظر إلي شزراً (<<< الوصخ صار يولّم نخامه بنت كلب يبي يغرقني بهاا عشان كذا أجتر).......
وجاءت لحظة الصفر
تفووووووووووووووووووووووووووووو
والله يا هي كبيره...... أنا تداركت نفسي ووخرت بسرعة وجت جنبي (<<< يوم مرت جنب أذني سمعت صوت تصفير قوي لدرجة أن طبلة أذني أنفجرت وصب دم من أذني ) وتطلع النخمة مع الدريشة وتخبط الطيارة 757....
قامت الطيارة تهتز وخمّست أللين الظاهر أن الكابتن فقد التوازن...... وبدو الركاب يطبون مع الدرايش بالبرشوتات (<<< يسمع بالإنزال المظلي)...... يوم جت أم عصير تبي تطب....هفّهاا الهواء وطارت العباية .... وأنا اللي أصرخ بيني وبين نفسي: ياويلييييييييه ليتني البرشوت!! (<<< مهوب عشانه على ظهرها قصدي عشان أحميها ولا يجيها شي هالبريئة )
هو هدى شوي وحس أنه غلط وبدا يراضيني......
معليش فقدت أعصابي عليك!!......
لا لا عادي ولا تشيل هم (<<< أقولهاا وأنا أتنافض لو تحط حصى بين ركبي والله أن يتكسر ويصير تراب)......
المهم وصلنا أمريكاا.......
رحنا علطول لواشنطن دي سي ونهبط مرة قداام باب البيت الأبيض..... ويطلع بوش وهو يصرخ:
أرحبوووووووووووووووووووووووو...... يؤ يؤ ماني مصدق هذا أنت تركي ؟؟؟؟؟
عمك تركي يا كلب ........
عمت عينك أمسكووووووووووه .........
وش اللي أمسكوه طيب وراك تقول ارحبووو؟؟؟
أرحبوووو هذي مهيب لك............
وألتفت على العير وهو اللي يكعهاا ضحكه
هع هع هع هع لقد لعبتُ عليك أيهاا الأفدغ
ويجي بوش ويطلع بوكه ويعطيه المقسوم......
خدمات شي أبو بشش......
سلامتك.....
ويشغل الحقير ويرجع ومن زين الطبايع قبل لا يمشي طالعني وفحط في وجهي وراح (<<< هليكوبتر وتفحط!!! يااااخي أرحمنااا <<< لا بأس هفوة أدبية أخرى)........
وعلطووووووول على غوانتينامو......... حيث رأيت أبشع أنواع التعذيب والقهر الجسدي والنفسي...... وها أنذا زابن في أحد الحمامات أكتب قصتي باللاب توب........
شباب وشابات، مقلعين ومقلعات، وش يستفااد مما سبق؟؟
كلن يقول نفسي نفسي قدام الفلوس ......
الثقة كبيرة، انتبهوا من تثقون فيه، عشان ما تاكلون خابور زيي ........
الزبدة، من زماان ما صارت لي جرية ولا مصيبة... قلت الحمد لله أكيد أن حياتي تبي تعتدل وبأصير ولد طبيعي زي النااس بدون مواد حافظة ولا بودرة (<<< واحد يشك ان ابوه ينتج حليب مغشوش ) وبكذا قررت أني أكمل دراستي عشان أصير عضو فعّال في المجتمع يسهم في دفع عجلة التنمية...... كنت موقف دراستي من كثر المصايب الله يجيركم....... في اليوم اللي اخذت فيه شهادة أولى ثاانوي دور ثااني طاح علي كفر طيارة كانت مارة فوقي ........ من قوة الخبطة دخلت في الأرض وطلعوني وثوبي أسود !! وريحتي ريحة محطة بنزين !! وطاشت الأرض نفط (<<< صرت سادّن فتحة البترول بالخبلاء لا خلاء ولا عدم ).......
تذيهنت وطالبت بحقي في ذا النفط اللي طاش من محل محطتي (<<< عشان كذا يسمون أماكن المشتقات البترولية محطة) و رحت يمهم وقلت أبي نصيبي ........ أنا اللي اخترعت بير النفط هذا ....... قالو طيب حط رقم بيتكم وبندق عليك ..........
وأحط رقم خويي....عشان رقمهم سهل ولا يصير لهم عذر يقولون نسيناه (<<< مسوي ملكع هالدلخ )........ وأقعد كل الوقت في بيتهم معسكر في الملحق ما غير جنب التلفون و متعلق في سلكه ( اللي ما يعرفني يقول ذا جاي مع التلفون فوق البيعة )....... حتى الصلاة أصليها في الملحق وأخلي التلفون يم جهة القبلة.... الربع تأخرو ما دقو
بديت أمل من الأنتظار..... وقلت لخويي جب تلفزيون يلهينا....... ويروح ويجيب تلفزيونهم، وتلفزيونهم الله يجيركم من بقايا الحرب الأهلية في الكونغو.... شاشته كنها كورة من قوة التحدب يعني لو تقعد وراه عاادي تقدر تتابع..... يوم دخله قلت له وراك فاك وجه الجمس وجايبه؟؟؟.... المهم بدينا نتاابع وما عندنا ألا الأولى والثاانية أرضية.... وأحسن الشي الدعاايات إذا جت ننبطح على بطونا ونبدى نلعب برجلينا من الوناسه وإذا خلصت نقول: يووووووووووه....... الوكااد أن هالتلفزيون فك أزمة (<<< هذا وهو ما فيه فيديو فك أزمة).....
رن الهااتف أخييراً وأفز، ومن قوي الفزه مروحة السقف صفقتني في وجهي ونشبتني في الجدار واقعد معلق ، و أصير أمد لساني على حواف خدودي بينها وبين الجدار بزعمي حركة عشان أفك التلصيقة بسعابيلي
. وأفكها وأمحط على الأرض ويغمى علي.... الشاهد ما قدرت أرد على المكالمة.... رد رفيقي على التلفون وهو ما عنده ألا: هاااه... هااااه... أييييه.... هاااه.. شكله ما فهم ...
لكنه في الأخير وجهه صاار أسود وغمض عيونه وأخيراً رد على اللي يكلمه وهو يهز راسه: أكيد فيه لبس في الموضوع (<<<< يمديكم على صديقي يعرف يتكلم زي حقين التلفزيون).... وش صارت الساالفة؟؟؟؟؟
جاء رفيقي يبي يعلمني و لقاني في وضع مشين ( تسنّي ذباب مصفوق بجريدة على الجدار ) مغمى علي ولساني طالع وأنا عاضه..... كب مويه على وجهي وقام الكلب يشوّت وجهي (<<< عااد رجله مقاسها 54)... وكل ما شاتني شوته راسي يخبط في الجدار وتزيد الإغماءه... ألين أنتبه الحمار للي يصير ويسحبني لوسط الملحق....
ويجيب مركى ويرقى فوقه وينزل ركبه على وجهي ألين صارت ضروسي في جهة وحدة في أثمي ( أنا أشوف اني اقوم من ذا الإغمائه أصرف لي قبل لا يذبحني ذا الثور !!!) قمت وقعدت اتفلّت على ذا السبهه هو ورجلة اللي كنّها جدار مقضوض !! يلعن أصلك وش قااعد تسوي كم مرة قلت لك خل عنك المزح الثقيل (<<< أحسبه يمزح، عشان تعرفون بس نوعية مزحنا).....
رد علي وهو يصفق بيديه على وجهه (<<< الغبي كل ما صفق نفسه يقول أح لكنه يستمر، غصب يقلد التمثليات المصرية اللي كنا نشوفها): ألحق ألحق، مطلعينا في السي أن أن وحنا مطلوبين وبوش نفسه جايب طارينا، يقولون أنه حنتز (<<<< يعني غاضب يالأتيكيت اللين ما تعرفون لغتي).....
وأروح لأقرب تلفزيون مشبوك بدش وآخذ الريموت وأرص الزر اللي يطلع السي أن أن وألقى وجه الخنزير بوش الله يكرمكم وهو يتكلم...... وفي زاوية الشاشة بالأحمر (BREAKING NEWS) وهذي معناتها أخبار جامدة بالحيل....
ويصير هالعلج ماسك صورنا أنا وخويي وهو يأشر عليها يقول:
[[[[[ هالزلايب مطلوبين... اللي يشوفهم يدق علينا في البيت الأبيض وإذا صار الخط مفصول يدق على البقالة اللي جنب البيت الأبيض ]]]]].........
والتفت على خويي وألقاه مفهي ما فهم ما غير فاتح أثمه والذبان يدخل ويطلع (<<<< الذبانة إذا طلعت تاخذ لفتين وتطيح على الأرض وهي ترافس)..... وأجرّه من علباه..... المسألة حياة أو موت....
دااااا دااااا وش الساالفة تركي دااااا؟؟... (<<<<كذا وهو يتكلم الله يرفع عنه)ياااخي ما شفت بوش وهو يتوعد فينا؟؟؟ نبي نهج!!!!.. أنا عاادي ممكن أفهم أني أصير مطلوب لكن أنت!!...
داااا طيب هو دااااااا يمزح ولا جاد دااااا وبعدين لـيــ..... طاااع (<<<< صوت طيحه)....
أبو صنقه هذا إذا قام يتكلم يسعبل... وهو قاعد يكلمني تحمس بزيادة و زاد الإفراز عنده لدرجة أنه زلق في سعابيله ومحط على وجهه وأغمي عليه.... أنا تركته الصراحة.... مالي دخل (<<< جحده) .... بيمسكونه وبيدرون أنه عاهه وبتدخل حقوق الحيوان عشانه وبيطلع منها لكن أنا لازم أتوزى......
قلت مالي إلا أزبن عند أبوي حبيب قلبي أبوي أكيد بيفزع لي ويفكني من ذا الوجه الودر (بوش)
وأرجع للبيت ... ومن يوم دخلت ألا وهذيك العصا اللي تمشي مليون تنشب في وجهي.... رحت لزاوية باب الكراج الكبير عشان أفكها (<<< زي ما تفك ببسي أبو نص في باب الكراج)...... صارت الضربة من أبوي..... المهم يجيني وخذ هواش:
يا الداشر يالسمرمدي خرّبت سمعتنا (<<<< من زينها عااد)وشنك مسوي لبنت بوش يوم أن أبوها يتوعدك؟؟؟؟ هاااااه وشنك مسوي؟؟؟؟.. ....
وشو؟؟؟ وش بنته؟؟؟؟
إخرس أيها الوغد تباً لك (<<<< ترجمة الأفلام وما تسوي)... قللي بسرعة هي حملت و لا لا؟؟؟؟ قللي بسرعة عشان يمديني أنادي الشيخ صالح يعقد لكم ........
لا يا بن الحلااال.... السالفة مهيب كذا.........
طبعاً ما كملت لأنه فصخ ثوبه وبدى يلعب كراتيه وخذ تصفيق.... حركة النمر المزكوم... حركة التنين الأزرق... حركة القط الجائع.... حركة المعصوب... لدرجة أنه يطمر في الهوا وهو رافع يديه ويتجمد زي الماتركس ثم يرفسني في وجهي......
أنا أرتعت ورى أبوي صار كذا...... ونسيت آخذ شي من البيت وأطلع من البيت وأنا أشاهق من الصياح..... وأركب الهايلكس وأمسك طريق الجنوب (<<< يقولون أنه أأمن )
وأنا في الطريق سالت الدمعة من عيني..... ليش أنا دايمن مضطهد كذا؟؟؟؟....
ليش هالمصايب ما تجي واحد ثااني غيري ؟؟؟؟ (<<< وجه يناظر في طخ طيخ ) أهم شي أنا مايجيني شي.... عاد هالهواجيس ما جت ألا مسيان والشمس غاطسه في أحضان الأفق كطفل في حجر أمه يعاني ويلات الجوع وامه موزيتن ديدها وصاكتن عليه بسنتيانة وقميص وعباية (<<<< أبي رتبة من الأدبية بعد هالوصف << قل تبي توقيف يا الداشر )
على هالحزن قمت أهيجن....
[[[[
يا شينهاا لا منهاا تعسّرت وضاااااقت *** وعليك المصايب والهموم تحااااااااااذفت
وحزّنت وبكبكت وخياشيمك نااااشقت *** تسأل قهررر:ليه الدنيا معي مااااا صفت؟
]]]]
عااد صوتي الخالع تعرفونه .... حتى الهايلكس من شين الصوت قام علّق على البوري يبيني أسكت.... .. ويوم وصلت وادي الدواسر وألا الجوع ذابحني (ترى فيه اشاعة قوية تقول ان أهل وادي الدواسر ينولدون بشنباتهم وفي يديهم سبحة وهم يقولون:خلوها<<< ترى خوالي دواسر لحد يتفلسف علي) وأوقف عند محطة وأدخل بقالتهاا وآخذ من المحطة خبز فرنسي...... والله يا أنا أقدر الخبز الفرنسي مع حليب السعودية ولا آكله ألا إذا صرت ماسك خط......
وأطلع من المحطة وأدخل الشعيب وأبدأ أدوّر أقرب مغارة.... أنا ناوي أعيش عيشة بدائية عشان أضبط دور الهارب من العدالة (<<< اقتنع أنه مجرم)..... وأنا أمشي قزّيت خيمة في وسط البر وأنصاها علطول..... يوم وصلت لها لقيت ملبق عندها هايلكس88 مركب جنوط قراندي (<<< يلعن أم المزاج والخساارة على الفاضي).... قلت خلني اقرب زود وأدخل الخيمة وأشوف من فيهاا يمكن ألقى أحد يفزع معي .......
نزلت من سيارتي وأوصل للخيمة وألقى محطوط على بابها هذيك الورقة الحمرا حقت الفناادق (يرجى عدم الإزعاج) والقى جنب الباب زر صغير..... ضغطت الزر ويصير جرس
تررررررررررررررررررررررررررررن.....
يوووووووووووووووووووووووووووووه يا حمار أنت واياه ما قلت نو ديستربنس ........
لا.... أنا مهوب حق توصيل الطلبات ( بزعمي ترجمت سؤاله الحين ورديت )
ويفتح باب الخيمة ويطلع لي واحد الله يجيركم بس........ عير ن في هذا، الظاهر حامله به حرمتين مهيب حرمه وحده (<<<< واضح أنه فاهم مصطلح الحمل خارج الرحم غلط )
وجهه من كبره لو تشيل ملامحه تحسبه باب مدرسة..... ولا اليدين قصتها قصة الظفر الواحد كنه صامولة جنط قلابي..... أصابعه كنهاا مواصير المجاري (شكله يبطن الخاتم بكفر كامري).... ما أقدر أشوف ملامحه كلهاا من نظره وحده لازم أحرك راسي.... تصدقون أن رصة ضروسه من كبرهاا كنهاا الصبات اللي قدام وزارة الداخلية (عرفت بعدين أنه ينظف ما بين ضروسه بسلك دفايه )
يوم مد يده يسلم علي مديت يديني الـثـنـتـيـن وحطيتها في يده وحطيت راسي بعد من كبرها.... هو فهم غلط وضمني وقال: أبشر بسعدك يالرهيف........
أنا وخرت علطول...... وقلت لا يصير فهم غلط..... قلت: داخل على الله ثم عليك!!......
قال: سم بس وش تبي......... قلت: أبي فزعتك في سالفة...... قال: أكيد يا دلخ تبي فزعتي ياااخي ليش انتم كذا دايمن ما تدخلون دغري!!!! طيب أنت هالحين أدخل في الخيمة عن الشمس ويصير خير ( لا تدققون في سالفة الشمس تراي تو كاتبن انها حول ما تغيب ) .......
وأدخل وهو اللي يدخل وراي ويقعد يربط باب الخيمة وارتسمت على وجهه ابتسامة شريرة ......
جلسنا حول الضو (عادي ضو وسط الخيمة والشمس براء حارة فيها شي؟!.... موضوعي وأنا حر لو أبي كتبت ويشغّل مكيف ال جي على البارد ويشب الضو )...... ما علينا من الهفوات الأدبية في هالموضوع وجلَّ من لا يسهو.... أهم شي تدرون ان ذا الرجال مصيبة لدرجة أنه كان يدخل يده في الضو ويقحش جمر ويحطه في أثمه ويبدا يعلكه ألين يصير رماد ثمن يتفله (تكرمون... ومن قال).....
أنت هالحين وش قصة أهلك؟؟ (<<<< من حقه يسأل ومطلوب أجاوب )
الله يسلمك ويعز مقامك ويجعلها سفرة دايمة (<<< بأقول أي شي ظنكم بأتطاق معه)
قلت له سالفتي مع بوش وكيف أني هالحين إنسان هارب وهائم على وجهه...... وقلت له حتى أن أبوي جحدني ولا فزع معي وراح تفكيره بعيد ........ وأنا بس اللي أجيب طاري أبوي وهو اللي يبكي ويغطي وجه الكبير بيديه اللي لو أجّرها مظلات في مواقف كان جابت له خير......
عسى ماشر ياابو؟؟ عسى ما قلت شي ن ضايقك (<<< مهوب وقته أني أنرفزه).......
قال: ذكرتني بأبوي الله يرحمه...... وسألته: وش قصة أبوك وشلون ماات؟؟
قال:غص بشنبه وهو نايم المسكين.... كان مزكوم ونام وهو فاتح اثمه... في نصف الليل شنبه أنحشر وقام بيروح للحمام ومثلك خابر الغرفة ظلام تعكرف في برطم أبوي وطاح في حلقه... طبعاً حلقه أنسد ألين تجمع البلغم وصار غرب وتسدد.... يوم وديناه للمغسلة الشيخ جاب معلاق ملابس وقام يخفس في هاللي متجمع ثم حط يده في كيسه وقام يطلع كور شعر تقل بيّاره منسده..... أنا أخذتها درس صرت أروح للحمام كل يوم قبل لا أنام.....
>>>> دقيقة صمت على روح شهيد الشنب المحشور <<<<<
أنتهت الدقيقة (ما بغت تخلص)....
دأي يا مزيكا أقين.......
تركي راح أعوضك عن حناان الأب اللي فقدته وبأفزع معك وبنروح نقابل هالخنزير ونتفااهم معه ...يالله مشينا على الهالوكابتر بتاعتي.....
ما شاء الله عند طيارة يالكلب (<<< طيحت الميانة ما بقي ألا أقوم أنغز جنوبه واتطارح معه)... جتني هدية يوم كنت أدرس عشاني أخذت الأول على الفصل (<<< الصراحة صدقته)......
راح يحفر الأرض ويطلع طيارته كان دافنهاا يقول عليهاا تعميم أو حاجة زي كذا...
فتحت باب الطيارة بأركب وهو اللي يقولي أصبر لا تركب ويجي ينظف المرتبة ويشيل القضوم المتناثرة وغرش العرق وقطوف زقاير متجمعة (<<< آآآآآبوك زمن حدني أركب مع دشير )..... خلص تنظيف وأركب واقلعناا بحمد الله وحفظه....
الطيارة هذي فلّه أزين من الهايلكس بمراحل (<<< كل تبن ولعد تقارن).... وحنا نطير ضايقتني الشمس وأفتح الدريشه عشان أحط شمااغي بأصك الدريشه عليه،، التظليلة ما سوت شي الصراحة..... وهو اللي يقز شي بالمراية ويقولي: أصبر تركي لا تحط شماغك ..... وتطلع شراره في عينه زي الأشرار في أفلام الكرتون.....
ويعكف الدركسون (<<< دركسون زيت) ألين سمعت صوت تفحيط.... ويصير هالصايع ناصي طيارة بوينج 757 ....
جا جنبها وبدأ يهندم نفسه وصك قلابيه أبو أربع أزرار وقال لي: بسرعة أفتح الدررررررج وطلع قطعة الكرتوووووون اللي فيه!!!!...... وأفتح الدرج وألقى قطعة كرتون مكتوب عليهاا بطامس أبو ريشة رقم تلفون مكون من 9 أرقام!!!! (<<< صار قليل الأدب حاط رقم دولي ومن زين الطبايع حاط علامة + قبل 966)..... قلت: منهو رقمه هذا؟؟؟؟........ قال: هذا رقم المحطة صاحي أحط رقمي!! لو سوو تتبع لرقمي بيعرفوني!! لا يكثر وطلع الكرتونه وخلهم يشوفونهاا.... تررررركي طالع هذي اللي على الدريشه يالبي قلبي قاعد تشرب عصير الري فراولة بقي على صلاحيته 6 شهور وأربع أياام (<<<< يلعن أووووم القز يا ناااس ).....
أنا بريءءءءءءءء جداً فتحت الدريشة وطلعت الكرتونه.... مدري وش صار بالضبط بس الظاهر أني نعست الشاهد أن الكرتونه طارت مع الهواء....
فاصل نصيحة:
[[ لا عمركم تزعلون واحد عير ]]
هو مع العصبية ترك الطاره وحط يديه على وجهه وقام يتنافض ويفغص وجهه وبدى يطلع من جسمه حراره زي دفاية الزيت..... أنا الصراحة خفت وبغيت أفتح الباب وأطب......
وخر يديه وألتفت يمّي..... وجهه أحمرررررررررر وعيونه حمررررررراء وصرخ صرخة غريبه !!
يلعن أصلك يا ورع
ثم فجأة صارت عيونه بيض وفتح أثمه (معقوله تجيه لحظة تجلي في هالوقت!!!) ثم بديت أسمع أصوات غريبة:
[[ قولب..... بلوق...... قوب]] واشوف بالتدريج بطنه يهتز...... ثم صدره يقرقع...... ثم أشوف حلقه فيه زي الورمه تمشي ألين طلعت فوق وأنتفخت خدوده فتح عيونه ونظر إلي شزراً (<<< الوصخ صار يولّم نخامه بنت كلب يبي يغرقني بهاا عشان كذا أجتر).......
وجاءت لحظة الصفر
تفووووووووووووووووووووووووووووو
والله يا هي كبيره...... أنا تداركت نفسي ووخرت بسرعة وجت جنبي (<<< يوم مرت جنب أذني سمعت صوت تصفير قوي لدرجة أن طبلة أذني أنفجرت وصب دم من أذني ) وتطلع النخمة مع الدريشة وتخبط الطيارة 757....
قامت الطيارة تهتز وخمّست أللين الظاهر أن الكابتن فقد التوازن...... وبدو الركاب يطبون مع الدرايش بالبرشوتات (<<< يسمع بالإنزال المظلي)...... يوم جت أم عصير تبي تطب....هفّهاا الهواء وطارت العباية .... وأنا اللي أصرخ بيني وبين نفسي: ياويلييييييييه ليتني البرشوت!! (<<< مهوب عشانه على ظهرها قصدي عشان أحميها ولا يجيها شي هالبريئة )
هو هدى شوي وحس أنه غلط وبدا يراضيني......
معليش فقدت أعصابي عليك!!......
لا لا عادي ولا تشيل هم (<<< أقولهاا وأنا أتنافض لو تحط حصى بين ركبي والله أن يتكسر ويصير تراب)......
المهم وصلنا أمريكاا.......
رحنا علطول لواشنطن دي سي ونهبط مرة قداام باب البيت الأبيض..... ويطلع بوش وهو يصرخ:
أرحبوووووووووووووووووووووووو...... يؤ يؤ ماني مصدق هذا أنت تركي ؟؟؟؟؟
عمك تركي يا كلب ........
عمت عينك أمسكووووووووووه .........
وش اللي أمسكوه طيب وراك تقول ارحبووو؟؟؟
أرحبوووو هذي مهيب لك............
وألتفت على العير وهو اللي يكعهاا ضحكه
هع هع هع هع لقد لعبتُ عليك أيهاا الأفدغ
ويجي بوش ويطلع بوكه ويعطيه المقسوم......
خدمات شي أبو بشش......
سلامتك.....
ويشغل الحقير ويرجع ومن زين الطبايع قبل لا يمشي طالعني وفحط في وجهي وراح (<<< هليكوبتر وتفحط!!! يااااخي أرحمنااا <<< لا بأس هفوة أدبية أخرى)........
وعلطووووووول على غوانتينامو......... حيث رأيت أبشع أنواع التعذيب والقهر الجسدي والنفسي...... وها أنذا زابن في أحد الحمامات أكتب قصتي باللاب توب........
شباب وشابات، مقلعين ومقلعات، وش يستفااد مما سبق؟؟
كلن يقول نفسي نفسي قدام الفلوس ......
الثقة كبيرة، انتبهوا من تثقون فيه، عشان ما تاكلون خابور زيي ........
ليست هناك تعليقات:
إرسال تعليق